సరికొత్త కియా సెల్టోస్‌ 2026 ఎస్‌యూవీని కియా కంపెనీ ఇవాళ (డిసెంబర్ 10) ప్రపంచానికి పరిచయం చేసింది. కేవలం ఫేస్‌లిఫ్ట్ మాత్రమే కాకుండా, డిజైన్, స్పేస్, సేఫ్టీ పరంగా దీనిని పూర్తిగా మార్చేశారు. ఈ కొత్త ఎస్‌యూవీ విశేషాలు ఇప్పుడు చూద్దాం.

సరికొత్త ప్లాట్‌ఫామ్ – భారీ ఆకారం

ఈ కొత్త సెల్టోస్ చూడగానే మనకు కనిపించే ప్రధాన మార్పు దాని సైజు. ఇది ఇప్పుడు మరింత పెద్దదిగా మారింది.

• భారతదేశంలో తొలిసారిగా కియా గ్లోబల్ K3 ప్లాట్‌ఫామ్‌పై దీనిని తయారు చేశారు.

• కారు పొడవు 4,460 mm. ఇది ఈ సెగ్మెంట్‌లో అతి పొడవైన కారుగా నిలిచింది.

• వెడల్పు 1,830 mm ఉండటంతో రోడ్డుపై దీనికి ఒక కమాండింగ్ లుక్ వచ్చింది.

• వీల్‌బేస్ 2,690 mm ఉండటంతో లోపల ప్రయాణికులకు మరింత విశాలమైన స్థలం దొరుకుతుంది.

డిజైన్: డిజిటల్ టైగర్ ఫేస్

కియా తన డిజైన్ ఫిలాసఫీని ఇందులో మరింత మెరుగుపరిచింది.

• ముందు వైపు ‘డిజిటల్ టైగర్ ఫేస్’ గ్రిల్, ఐస్ క్యూబ్ ఎల్ఈడీ హెడ్‌ల్యాంప్స్ దీనికి ప్రీమియం లుక్ ఇచ్చాయి.

• పక్క వైపు నుంచి చూస్తే 18 అంగుళాల క్రిస్టల్ కట్ అల్లాయ్ వీల్స్ (R18), నియాన్ బ్రేక్ కాలిపర్స్ స్పోర్టీ లుక్‌ని ఇస్తాయి.

• ఆటోమేటిక్ డోర్ హ్యాండిల్స్, వెనుక వైపు కనెక్టెడ్ టెయిల్ ల్యాంప్స్ ఈ కారు అందాన్ని రెట్టింపు చేశాయి.

ఇంటీరియర్ & టెక్నాలజీ: థియేటర్ ఎక్స్-పీరియన్స్

కారు లోపలికి అడుగుపెట్టగానే ఒక లగ్జరీ కారులో కూర్చున్న అనుభూతి కలుగుతుంది.

• పనోరమిక్ డిస్ప్లే: డ్యాష్‌బోర్డుపై 30 అంగుళాల (75.18 cm) భారీ స్క్రీన్ ఉంటుంది. ఇందులో ఇన్ఫోటైన్‌మెంట్, ఇన్‌స్ట్రుమెంట్ క్లస్టర్ కలిసి ఉంటాయి.

• సౌండ్ సిస్టమ్: ప్రయాణంలో మంచి సంగీతం కోసం బోస్ (Bose) ప్రీమియం 8-స్పీకర్ సిస్టమ్ అమర్చారు.

• కంఫర్ట్: డ్రైవర్ సీటును 10 రకాలుగా అడ్జస్ట్ చేసుకోవచ్చు (10-way power seat). ముందు సీట్లకు వెంటిలేషన్ సదుపాయం ఉంది. మెమరీ సీట్ ఫంక్షన్, వెల్ కమ్ రిట్రాక్ట్ ఫంక్షన్ వంటివి డ్రైవింగ్ అనుభవాన్ని సులభతరం చేస్తాయి.

సేఫ్టీ: 21 అడ్వాన్స్డ్ ఫీచర్లు

భద్రత విషయంలో కియా రాజీ పడలేదు. ఇందులో ADAS లెవల్ 2 టెక్నాలజీని వాడారు.

• మొత్తం 21 అటానమస్ సేఫ్టీ ఫీచర్లు ఉన్నాయి.

• ముందు ఉన్న వాహనాన్ని ఢీకొనకుండా ఆపడం (Forward Collision-Avoidance), లేన్ కీపింగ్ అసిస్ట్, స్మార్ట్ క్రూయిజ్ కంట్రోల్ వంటివి ఇందులో ఉన్నాయి.

• స్టాండర్డ్ సేఫ్టీ ప్యాక్‌లో 6 ఎయిర్‌బ్యాగులు, ABS, ESC, హిల్ స్టార్ట్ అసిస్ట్ వంటి 24 రకాల భద్రతా ఫీచర్లు ఉన్నాయి.

• 360 డిగ్రీల కెమెరా, బ్లైండ్ వ్యూ మానిటర్ వల్ల పార్కింగ్ చాలా సులభం అవుతుంది.

ఇంజిన్ & పెర్ఫార్మెన్స్

వినియోగదారుల డ్రైవింగ్ స్టైల్‌కు తగ్గట్టుగా మూడు రకాల ఇంజిన్ ఆప్షన్లను కియా అందిస్తోంది.

1. స్మార్ట్‌స్ట్రీమ్ G1.5 పెట్రోల్: 115 PS పవర్.

2. స్మార్ట్‌స్ట్రీమ్ G1.5 టర్బో పెట్రోల్ (T-GDI): 160 PS పవర్ (పవర్ ఫుల్ పెర్ఫార్మెన్స్ కోసం).

3. 1.5L CRDi VGT డీజిల్: 116 PS పవర్.

వీటికి తోడు 6-స్పీడ్ మాన్యువల్, iMT, IVT, 7DCT, 6AT వంటి అన్ని రకాల గేర్ బాక్స్ (ట్రాన్స్‌మిషన్) ఆప్షన్లు ఉన్నాయి.

వేరియంట్లు & బుకింగ్ వివరాలు

• వేరియంట్లు: HTE, HTK, HTX, GTX అనే నాలుగు బేస్ ట్రిమ్స్‌లో ఇది లభిస్తుంది. X-Line అనేది టాప్ ఎండ్ మోడల్‌గా ఉంటుంది.

• బుకింగ్స్: డిసెంబర్ 11, 2025 (ఈరోజు) అర్ధరాత్రి నుంచే దేశవ్యాప్తంగా బుకింగ్స్ ప్రారంభమవుతాయి. రూ. 25,000 చెల్లించి కియా వెబ్ సైట్ లేదా షోరూమ్ లో బుక్ చేసుకోవచ్చు.

• ధర: ఈ కొత్త కారు ధరను జనవరి 02, 2026న కియా అధికారికంగా ప్రకటిస్తుంది.

కియా ఇండియా ఎండీ గ్వాంగు లీ మాటల్లో:

“కొత్త సెల్టోస్ కేవలం ఒక మార్పు కాదు, ఈ సెగ్మెంట్‌ను పునర్నిర్వచించే ప్రయత్నం. ఇది భారతీయ రోడ్లకు, ఇక్కడి కస్టమర్ల అభిరుచులకు తగ్గట్టుగా డిజైన్ చేశాం. ‘BADASS’ అని పిలిచే ఈ కొత్త సెల్టోస్ మళ్లీ మార్కెట్లో సంచలనం సృష్టిస్తుంది” అని వివరించారు.