Work from home jobs for women: మహిళలు ఇంటి నుంచి ప‌నిచేయ‌గ‌ల అనేక ర‌కాల ఉద్యోగాలు ల‌భిస్తున్నాయి. ఆన్‌లైన్ కంపెనీలు వివిధ ర‌కాల ఉద్యోగ అవకాశాలను మహిళలకు వర్క్ ఫ్రమ్ హోమ్ ఆప్ష‌న్‌గా అందిస్తున్నాయి. రైట‌ర్లు, గ్రాఫిక్ డిజైన‌ర్లు, డేటా ఎంట్రీ స్పెష‌లిస్ట్‌లు, బ్లాగ‌ర్లు, వ‌ర్చువ‌ల్ అసిస్టెంట్‌లు, డిజిటల్ మార్కెటింగ్ నిపుణులు, ఎడిట‌ర్లు, యూట్యూబ‌ర్లు వంటి ప‌లు ర‌కాల వృత్తుల‌ను ఎంచుకుని గృహిణులు ఆదాయం సంపాదించవచ్చు. ఈ క‌థ‌నంలో కొన్ని ఉదాహ‌ర‌ణ‌లు మీకోసం ఉన్నాయి.
ఇంటి నుంచే ప‌నిచేయ‌గ‌ల ఉద్యోగాల్లో ఆన్‌లైన్ ఉద్యోగాలు ఉత్త‌మం. అనుభవం లేదా అర్హ‌త‌ల‌కు అనుసంధానం లేకుండా సుమారు నెలకు ల‌క్ష రూపాయ‌ల వరకు సంపాదించవచ్చు. ఇది కేవ‌లం మీ ప్ర‌తిభ ఆధారంగా మాత్ర‌మే సాధ్య‌ప‌డుతుంది. అలాగే, మీ స‌మ‌య సౌకర్యం ప్ర‌కారం కూడా పనిచేయవచ్చు. ఇంట్లో ఖాళీగా ఉంటూ ఇంటి నుంచే పని చేయ‌గ‌ల ఉద్యోగాల‌ను వెతుకుతున్న‌ట్ల‌యితే, ఈ వివ‌రాల‌ను గ‌మ‌నించండి.
1. యూట్యూబ్, ఇన్‌స్టాగ్రామ్
డబ్బు సంపాదనలో యూట్యూబ్, ఇన్‌స్టాగ్రామ్ ఒక సులభమైన మార్గంగా ఉంది. ప్రత్యేకించి మహిళలకు ఇది ఉత్తమ వేదిక. అనేక మంది యూట్యూబ్ ఛానల్‌ను స్థాపించి, భారీ ఆదాయాన్ని అర్జిస్తున్నారు. కొంచెం జ్ఞానం ఉంటే, చిన్న వీడియోలను అప్‌లోడ్ చేసి నెలకు లక్షల్లో సంపాదన చేయవచ్చు. ఒక స్మార్ట్‌ఫోన్ మరియు ఇంటర్నెట్ ఉంటే చాలు, వీడియో ఎడిటింగ్ ద్వారా మంచి ఆదాయం సాధించవచ్చు. ఇది అందరికీ సాధ్యమే. గృహిణులు, విద్యార్థులకు కూడా ఇది ఉత్తమ ఎంపిక. ఇంటి పనులను షార్ట్ వీడియోలుగా మార్చి, ఎడిట్ చేసి అప్‌లోడ్ చేయడం ద్వారా అధిక ఆదాయం సాధించవచ్చు. యూట్యూబ్ ఛానల్‌లు బ్లాగింగ్‌తో పోలి ఉంటాయి, మీరు ఏ రకమైన కంటెంట్‌ను అయినా అప్‌లోడ్ చేయవచ్చు. ఆన్‌లైన్ డ్యాన్స్ ట్యుటోరియల్స్ లేదా సులభమైన వంటకాలు నేర్పడం వంటి వీడియోలు చూపించేందుకు ఛానెల్ పెట్టుకోవచ్చు.
2. డిజిటల్ మార్కెటింగ్:
మహిళలు డబ్బు సంపాదనకు డిజిటల్ మార్కెటింగ్‌ను మరో గొప్ప అవకాశంగా చూడవచ్చు. ఇంటర్నెట్ ఆధారిత సేవల వైపు వినియోగదారుల మొగ్గు పెరిగింది. బ్రాండ్లు కూడా తమ ప్రకటనలను ఆన్‌లైన్‌లో ప్రసారం చేయడం మొదలుపెట్టాయి. డిజిటల్ మార్కెటింగ్‌కు సంబంధించిన కోర్సులు అందుబాటులో ఉన్నాయి, వాటిని నేర్చుకుని ఇంటి నుండి సులభంగా సంపాదించవచ్చు. డిజిటల్ మార్కెటింగ్‌లో ముఖ్యమైన అంశం ఏమిటంటే, ఈ ఉద్యోగం కోసం నాలుగు సంవత్సరాల కళాశాల డిగ్రీ అవసరం లేదు. డిజిటల్ అన్‌లాక్డ్ వంటి ఆన్‌లైన్ కోర్సులు ఉన్నాయి. వాటిని నేర్చుకుని ఫ్రీలాన్సింగ్ ద్వారా డిజిటల్ మార్కెటింగ్ ఉద్యోగం చేసుకోవచ్చు.
3. బ్లాగింగ్
ఇంట్లో ఉండే గృహిణులకు డబ్బు సంపాదనకు బ్లాగింగ్ ఒక ప్రముఖ మార్గంగా మారింది. బ్లాగింగ్‌లో అందమైన విషయం ఏమిటంటే, మీరు మీకు నచ్చిన ఏదైనా అంశం గురించి వ్రాయవచ్చు. మంచి కంటెంట్‌ను ఎంచుకుని దానిని బ్లాగ్‌లో ప్రచురించడం ద్వారా మీరు అధిక ఆదాయం సంపాదించవచ్చు. బ్లాగింగ్ రెండు రకాలుగా ఉంది: ఒకటి గూగుల్ నుంచి ఉచితంగా అందే బ్లాగర్, మరొకటి వర్డ్‌ప్రెస్ ద్వారా వెబ్‌పేజీని సృష్టించి ఆదాయం పొందడం.
4. ట్యూషన్ టీచర్
చదువుకున్న మహిళలకు ఇంట్లో నుండి ట్యూషన్ చెప్పి డబ్బులు సంపాదించే మంచి అవకాశం ఉంది. వారు ఉత్తమ ఉపాధ్యాయులుగా ఎదగవచ్చు, పిల్లలకు జీవిత పాఠాలు బోధించడంతో పాటు, ఇంటి పనుల్లో సహాయం చేస్తూ వారితో గడిపే సమయంలో వారిని బోధించవచ్చు. చిన్న పిల్లలకు ట్యూషన్ ఇస్తే, కనీసం రూ. 15,000 వరకు సంపాదించవచ్చు. ట్యూషన్ రంగం పురోగతి చెందుతుండటంతో, ఇది గృహిణులకు ఒక అద్భుతమైన అవకాశం. జూమ్, గూగుల్ మీట్, మైక్రోసాఫ్ట్ టీమ్స్ వంటి ప్లాట్‌ఫారమ్‌ల ద్వారా స్వంత ఆన్‌లైన్ తరగతులను స్థాపించవచ్చు, లేదా ఆన్‌లైన్ ట్యూటరింగ్ వెబ్‌సైట్‌ల సహాయంతో బోధించవచ్చు.
5. ట్రావెల్ ఏజెంట్‌గా మారడం:
ప్రయాణ టికెట్లు, ఏర్పాట్లను సిద్ధం చేయడం మనకు ఎప్పుడూ ఒక సవాలు. కానీ ఇది ట్రావెల్ ఏజెంట్లు, ప్లానర్లకు సులభమైన పని. గృహిణులు ఈ రంగంలో కొంత నైపుణ్యం సాధిస్తే, మీరు ఆన్‌లైన్ ట్రావెల్ ఏజెంట్‌గా పనిచేయవచ్చు.
6. ఇంట్లో తయారు చేసిన ఆహార పదార్థాలను అమ్మడం:
ఇంట్లో తయారు చేసిన ఆహారం ఎవరూ వద్దనుకోరు. వాటిని బయటి దుకాణాలకు సప్లై చేస్తే, సులభంగా డబ్బు సంపాదించవచ్చు. పచ్చళ్లు, తినుబండారాలు, చిరుతిళ్లు, జంతికలు, చిప్స్, బేకరీ ఐటమ్స్ వంటివి తయారు చేసి చిన్న షాపులకు అమ్మవచ్చు. దీనివల్ల సరిపడా ఆదాయం పొందవచ్చు. హాస్టల్‌లో ఉండే కళాశాల విద్యార్థులకు వండిన ఆహారం అందిస్తూ మంచి ఆదాయం సాధించవచ్చు. ముఖ్యంగా, ఇంట్లో వండిన ఆహారం ఎంతో ఇష్టపడతారు.
7. టైపింగ్ ఉద్యోగాలు:
మీరు అనుభవం లేని ఉద్యోగం కోసం అన్వేషిస్తున్నారా? ఆన్‌లైన్ టైపింగ్ జాబ్‌లు మీకు సరైన ఎంపిక. మీకు అవసరం ఇంటర్నెట్ కనెక్షన్ మరియు డెస్క్‌టాప్ లేదా ల్యాప్‌టాప్. Upwork, Naukri, Indeed, మరియు Shine వంటి వేదికలలో టైపింగ్ జాబ్‌లు లభిస్తాయి. డేటా ఎంట్రీ వంటి ప్రాథమిక నైపుణ్యాలు కలిగిన ఉద్యోగాలు చేయవచ్చు. మంచి టైపింగ్ స్పీడ్, కంప్యూటర్ జ్ఞానం, మరియు ఇంటర్నెట్ సౌకర్యం ఉంటే, డేటా ఎంట్రీ ఉద్యోగంలో సఫలం కావచ్చు. సరైన వేదికను ఎంచుకొని, మంచి అవకాశాలను పొందండి.
– లక్ష్మీ నెక్కల, ఫ్రీలాన్స్ జర్నలిస్ట్
