నవంబర్ నెల వచ్చిందంటే చాలు.. ఆన్‌లైన్, ఆఫ్‌లైన్ మార్కెట్లలో ‘బ్లాక్ ఫ్రైడే’ హడావుడి కనిపిస్తుంది. భారీ డిస్కౌంట్లు, ‘బై వన్ గెట్ వన్’ ఆఫర్లతో వినియోగదారులను ఆకర్షించే ఈ రోజు వెనుక పెద్ద కథే ఉంది. అసలు ఈ రోజును ‘బ్లాక్’ అని ఎందుకు పిలుస్తారు? పండగ పూట ఆఫర్లు ఇవ్వడం వెనుక ఉన్న వ్యాపార రహస్యం ఏమిటి?

బ్లాక్ ఫ్రైడే అంటే ఏమిటి?

అమెరికాలో అతిపెద్ద పండగల్లో ‘థాంక్స్ గివింగ్’ (Thanksgiving) ఒకటి. ప్రతి ఏటా నవంబర్ నెలలోని నాలుగో గురువారం నాడు దీనిని జరుపుకుంటారు. ఆ మరుసటి రోజు వచ్చే శుక్రవారాన్నే ‘బ్లాక్ ఫ్రైడే’ అంటారు. క్రిస్మస్ షాపింగ్ సీజన్‌కు ఇది అనధికారిక ప్రారంభం.

ఆ పేరు ఎలా వచ్చింది?

బ్లాక్ ఫ్రైడే అనే పేరు వెనుక చాలా ప్రచారాలు ఉన్నాయి. కానీ చరిత్రకారులు, అధికారిక రికార్డులు చెబుతున్న వాస్తవాలు రెండు మాత్రమే.

1. ఫిలడెల్ఫియా పోలీసుల కోపం (అసలు సిసలు చరిత్ర): 1960ల నాటి మాట ఇది. అమెరికాలోని ఫిలడెల్ఫియా నగరంలో థాంక్స్ గివింగ్ మరుసటి రోజు జనం రోడ్ల మీదకు భారీగా వచ్చేవారు. అదే సమయంలో ఆర్మీ-నేవీ ఫుట్‌బాల్ మ్యాచ్ కూడా అక్కడ జరిగేది. దీంతో నగరం మొత్తం ట్రాఫిక్ జామ్‌లతో, జనసంద్రంతో నిండిపోయేది. ఆ రద్దీని కంట్రోల్ చేయలేక పోలీసులు నరకం చూసేవారు. వారికి సెలవులు కూడా దొరికేవి కావు. ఆ చిరాకుతో, ఆ రోజును పోలీసులు ‘బ్లాక్ ఫ్రైడే’ అని పిలవడం మొదలుపెట్టారు. అంటే వారి పాలిట అది ఒక చీకటి రోజు అని అర్థం.

2. వ్యాపారుల కొత్త అర్థం: ‘బ్లాక్’ అనే పదం వినడానికి నెగటివ్‌గా ఉందని వ్యాపారులు భావించారు. అందుకే 1980ల తర్వాత దీనికి కొత్త అర్థం చెప్పారు. అకౌంటింగ్ పరిభాషలో వ్యాపారంలో నష్టం వస్తే ఎరుపు రంగు (Red Ink) సిరాతో, లాభం వస్తే నలుపు రంగు (Black Ink) సిరాతో రాస్తారు. జనవరి నుంచి నవంబర్ వరకు నష్టాల్లో (In the Red) ఉండే వ్యాపారులు.. ఈ ఒక్క రోజు అమ్మకాలతో లాభాల్లోకి (In the Black) వస్తారని ప్రచారం చేశారు. అలా ఈ పేరు స్థిరపడింది.

ఈరోజే భారీ ఆఫర్లు ఎందుకు ఇస్తారు?

వ్యాపారులు ఈ ఒక్కరోజే ఎందుకు ఇంతలా డిస్కౌంట్లు ఇస్తారనే దానికి కొన్ని బలమైన ఆర్థిక కారణాలు ఉన్నాయి:

• స్టాక్ క్లియరెన్స్: ఏడాది చివరలో కొత్త సరుకు తెచ్చేందుకు గోదాములు ఖాళీ చేయాలి. పాత స్టాక్‌ను వదిలించుకోవడానికి భారీ డిస్కౌంట్లు ఇస్తారు.

• సైకాలజీ గేమ్: “ఈ ఒక్క రోజే ఈ ఆఫర్ ఉంటుంది” అనే భావన వినియోగదారుల్లో ఆతురతను (FOMO – Fear Of Missing Out) పెంచుతుంది. అవసరం లేకపోయినా కొనేలా చేస్తుంది.

• కస్టమర్ ఆకర్షణ: ఒక టీవీ మీద భారీ తగ్గింపు ఇచ్చి కస్టమర్‌ను షాపులోకి రప్పిస్తారు (దీనిని Loss Leader అంటారు). వచ్చిన వారు కేవలం టీవీ మాత్రమే కొనరు.. లాభం వచ్చే ఛార్జరో, స్టాండో కూడా కొంటారు. అలా మొత్తం మీద వ్యాపారికి లాభం వస్తుంది.

ప్రపంచవ్యాప్తంగా ఎలా విస్తరించింది?

నిజానికి ఇది అమెరికా సంస్కృతి. కానీ ఇంటర్నెట్ పుణ్యమా అని ఇది ప్రపంచవ్యాప్తం అయ్యింది. అమెరికాకు చెందిన ఈ-కామర్స్ దిగ్గజాలు (అమెజాన్ వంటివి) ఇతర దేశాల్లో కూడా ఈ సేల్స్ ప్రారంభించాయి. ఇప్పుడు బ్రిటన్, కెనడా, ఆస్ట్రేలియా, భారత్ వంటి దేశాల్లో కూడా నవంబర్ చివరి వారంలో ఆన్‌లైన్ షాపింగ్ సందడి నెలకొంది.

అమెజాన్ బ్లాక్ ఫ్రైడే సేల్స్

ఆన్‌లైన్ షాపింగ్ దిగ్గజం అమెజాన్ బ్లాక్ ఫ్రైడే ప్రత్యేక డీల్స్ మన ముందుకు తీసుకొచ్చింది. హోం, కిచెన్, ఫ్యాషన్, బ్యూటీ, మొబైల్స్, డైలీ నీడ్స్, హోం అప్లయన్సెస్, స్మార్ట్ టీవీలపై కళ్లు తిరిగే డిస్కౌంట్లు అందిస్తోంది. అమెజాన్ బ్లాక్ ఫ్రైడే డీల్స్ కోసం ఇక్కడ చూడండి.

అమెజాన్ బ్లాక్ ఫ్రైడే డీల్స్

(గమనిక: కథనంలోని అఫ్లియేటెడ్ లింక్స్ ద్వారా మీరు అమెజాన్ షాపింగ్ చేసినప్పుడు అమెజాన్ అసోసియేట్ గా మేం స్వల్ప కమిషన్ పొందుతాం. దీని వల్ల మీ కొనుగోలు రేట్లపై ఎలాంటి ప్రభావం ఉండదు.)